Liole-le dit sîrmîniță,
Bate vimtu la purtiță,
Anghil bun, lai anghil domn,
Intră-n casă și-adu somn!
Nani, nu-ni te-aspare, nani
Că va-ți da dada curbane,
Bair di flurii di gușe
Și-un ghiurdan di lîndărușe,
Și-ună pade
Di livade,
Să-ni te-agioț cu dada-mpade
Să-ni ț-adună
Nuna-Lună
Și-nunul-mare,
Soare, --
Steale ună cîte ună
Să-ni ț-adar ciupare.
S-hină maia
S-bată gaia,
S-hina paplu
S-bată-araplu,
Și-ună price
Licurice,
Cari doarme tu lilice.
Si-ni te-acață
Somnu-n brață --
Tra s-ț-alasă
Vis pri față,
S-ni-acrești mare --
Puiliu di vreare,
Livindeață!